陳展鵬和太太單文柔的女兒陳諾瑤（Quinta，小豬比）5歲生日，夫婦2人一連幾日慶祝，先為女兒舉行粉紅色豬仔生日派對，好友陳敏之也獲邀出席；一家三口隔天又走入主題樂園慶祝，更向女兒送上以公主為主題的生日蛋糕。
單文柔在社交平台分享慶祝照片，留言︰「本來Quinta 5歲生日一早安排好。我隨口一句問，你想生日點過呀？Quinta話好想同同學仔一齊玩。2星期？點準備得切？好彩有一班朋友仔幫手，最後可以完成Quinta生日願望，仲可以印得切同豬比合作完成嘅T恤。小豬比表示超級滿意。見到豬比笑容，一切都值得﹗Super thanks﹗」
她與丈夫及女兒去完主題樂園玩後有感而發︰「時間過得好快，轉眼間已經5歲，真係感覺佢大個女，唔捨得﹗呢兩日生日佢都玩得好開心，再去埋迪士尼玩。佢無啦啦同我哋講唔好意思，爹哋媽咪要你哋嘥錢。我哋嗰吓聽到好感動。Mama只願你成為自己喜歡的樣子，不抱怨，不將就，有自由，亦有自己的光芒。Love u﹗」
廣告（請繼續閱讀本文）
（即時娛樂）