廣告（請繼續閱讀本文）
廣告（請繼續閱讀本文）
姜文杰（Benji）曾與妹妹姜麗文自資唱作組合「Benji and Lesley 」，橫掃不少樂壇新人獎；最近Benji重返樂壇，一口氣炮製三首新歌《La La La》、《遺臭萬年》和《HongerLand》，除了曲詞編是其一人包辦，就連MV中的一系列8-Bit卡通人物都是出自他的手筆，認真多才多藝。
Paul哥一年慶祝3次生日
當中最令人驚喜，是Benji竟然「出賣」爸爸Paul哥（秦沛），在Paul哥不知情的情況下，將爸爸的聲線加入《La La La》歌曲當中。Paul哥變身本地Rapper，Rap出：「睇唔到佢哋以前嗰種理想，嗰種衝勁，記住當初係為咗乜嘢事去奮鬥嘅。」Benji更在歌詞中自嘲是「窮鬼」，還攞所謂「拖鞋飯」風氣開玩笑，內容十分有趣。而這首歌就趁住爸爸「5.17」的76歲生日推出，Benji笑說：「我老竇好巴閉架，每年有三個生日要慶祝，一個係西曆6月26號，一個係生日出世農曆5月17號，另仲一個就前幾日嘅西曆假農曆5月17號，唔好問點解，但佢都係要慶祝嘅，哈哈哈。」
廣告（請繼續閱讀本文）
剛在二月結婚的Benji，今年又跟李璨琛成立的製作公司開拍劇集《心靈師》，與林明禎、何啟華（阿Dee）等合作，Benji表示阿Dee亦很支持他回歸樂壇。至於MV中設計的卡通造型，是否想打入近期大熱的NFT市場？Benji斷言否認：「當嗰啲做NFT嘅人，都唔太清楚自己做緊乜嘅時候，我都係專心繼續做好自己嘅作品好嘞。」他自言從小已經對8-Bit動畫着迷，純粹是藝術創作。
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ