歌手曾比特早前為J2台節目《鋪鋪Poker》任嘉賓，他因參加真人騷歌唱比賽出道，其爆炸頭髮型，已成為個人標記。一班主持在節目開始時，便急不及待問曾比特這頭髮型的由來，他解釋參加真人騷時，原本跟髮型師要求電一款韓國男仔髮型︰「睇相好型，唔知點解電完出嚟個（髮）圈咁大，就變咗依家咁，成件事超級epic fail。但大家又覺得okay，咁咪繼續留囉。」他笑言現在甚多女仕要求合照，原因是可以令對方的臉，看起來細塊很多，主持人之一郭偉亮（Eric）就話︰「我諗呢世你都要電呢個頭。」另一主持陳欣茵（Yanyan）問到Eric是否收了曾比特做徒弟時，Eric講笑話「冇啲咁嘅徒弟」，接住他解釋只是曾比特參賽時的導師，之後介紹對方入唱片公司。
節目中曾比特講到第一次跟Eric入錄音室，竟變成一場噩夢，他說︰「諗住嗰陣自己唱歌都okay吖，點知錄完出嚟問自己『what am I doing』，呀，唱完出嚟就好down，俾Eric sir係咁執我啲懶音。」Eric解釋唱live同錄音是兩種技巧，他說︰「佢（曾比特）自己諗住應該都唱得唔錯吖，點知錄嘅時候佢好多嘢唔識，教佢嘅時候令佢信心大打折扣，直情返到屋企瞓唔著、喊呀。」主持劉浩龍則以過來人身份話新人第一次入錄音室，都會有懷疑人生感覺︰「好勁咁入去，謝咗出返嚟」。
其實節目入面見到Yanyan經常有意無意望住曾比特，更在各人面對大讚對方︰「嗰時佢啱啱出道去赤柱，聽過佢嘅live，第一次聽佢唱歌，覺得聽耳機同喇叭係完全埋沒佢嘅才能，因為佢把聲現場聽係勁有穿透力，係好震撼到人心。」她接受訪問時表示不是有心望過去，至於有圖有真相，她笑說︰「又真係幾含情默默嘅，可能唔小心透露咗對佢欣賞嘅心意出嚟。」Yanyan澄清有關曾比特赤柱唱live的讚賞。完全是發自內心並非跟稿讀。
東網網站 : https://on.cc/東網Facebook專頁 : https://www.facebook.com/onccnews/