旺角 高質fine dining 好味自家即製Tiramisu

✅尼間餐廳非常近地鐵站，一出去就已經係，所以好方便。餐廳環境都好舒服，好有氣氛，仲有打卡位。menu方面都有好多選擇，就算唔去食晚餐，午餐都可以比多少少錢，食得好d都唔錯☺️
🥗法式鴨胸沙律配柑橘汁

呢樣應該係我食過最好食嘅沙律之一，成個感覺都好Fresh，完全冇草青味，我特別鍾意佢嘅柑橘汁，健康得黎又清新，味道又好夠☺️沙律食得出好新鮮，好爽脆，仲加咗一啲松子同果仁，口感營養都好豐富。而鴨胸就真係非常之好食啦，煮得啱啱好，肉質好嫩，味道鹹淡適中👌🏻

🦪白酒忌廉汁煮青口

呢樣菜式都非常之推介，青口唔同其他平時食嘅青口，呢份青口就真係好新鮮，食得出佢青口肉係好彈牙😍😍，好嫩同好Juicy，佢又夠飽滿又大粒, 鮮味仲要係非常之出。菜式仲跟咗兩片薄多士，用嚟點白酒忌廉汁就啱晒啦😛

🐟香煎鱸魚

真係好少機會喺喺出面西餐廳食到原條上嘅魚，呢條魚嘅骨非常少，所以基本上係啖啖肉。我好鍾意佢條魚煎到外脆內軟，啲皮真係擺咗一段時間都好夠脆😳，味道方面好豐富，除咗食得出魚嘅鮮味，仲有佢都加咗唔同嘅蔬菜一齊去製作，特別係加咗檸檬片，風味一流，同埋好開胃！

🍚叉燒鹹蛋意大利飯

呢道菜真係好有香港特色，佢嘅意大利飯每一啖都充滿好濃厚嘅鹹蛋黃味融入左入去☺️，而佢嘅叉燒你喺香港傳統嘅叉燒，味道就冇咁甜，係偏向比較西式嘅叉燒，味道口感都唔錯🫶🏻

🍨自家即製tiramisu

聽講係好出名同人氣之選，所以就叫咗嚟試吓。即製嘅Tiramisu 同埋擺咗一段時間嘅真係冇得比，口感同味道都爭好遠，特別係口感，仲可以食到脆脆地嘅手指餅，mascarpone cheese 同手指餅，配上酒香，就係幸福嘅感覺☺️☺️

🥐麵包

每台都會送上一籃熱辣辣啱啱焗好嘅麵包

Fruit Punch/ Pineapple Punch

📍 Y Dining (旺角)
旺角彌敦道703號金鑽璽1樓

▼ Follow we2log
https://www.instagram.com/we2log/