【舊愛結婚了】馮盈盈前度醫生男友婚照曝光

前姐冠軍馮盈盈前年同拍咗4年拖嘅醫生男友鍾浩文分手，當時被爆未掟煲已經同合作節目《#後生仔傾吓偈》嘅大隻主播鄭衍峰暗撻，不過呢段「地下情」未滿1年就玩完，男方不滿盈盈拒絕公開戀情經常吵大鑊，最終搞到朋友都做唔成！睇番鍾浩文嘅感情路就順暢得多，啱啱仲流傳出佢嘅婚照添，男嘅西裝筆挺，女方嘅身穿低胸款式婚紗手執鮮花，佢哋同樣都露出燦爛笑容好溫馨，睇番男方嘅社交網，仲用咗呢張婚照做頭像，朋友紛紛留言祝賀。

其實鍾文浩喺上年已經放低舊情帶新女行沙灘睇日落，同年10月佢仲晒出一張合照，相中女子五官標緻，似係宣布有新戀情，估唔到隔咗冇耐就流出一份與他同姓名「鍾文浩」的擬結婚通知書，報稱年齡都係相若，即惹嚟結婚疑雲，不過當時佢就否認，計番時間，睇嚟佢都係想低調保護戀情啫！

東網網站 : https://on.cc/

東網Facebook專頁 : https://www.facebook.com/onccnews/