本日日本：羽田空港　新出「邊行邊食咖喱」

去到機場，例牌要搵食，不過，又有好多登機手續要搞，想坐定定食嘢都未必得，有見及此，羽田機場最近推出咗可以邊行邊食嘅咖喱，一邊食住嘢一邊排隊搞各樣手續，真係一分鐘都無嘥到！

呢款「羽田步行咖喱」（羽田ウォーキングカレー）剛於6月17日推出上市，出售地點係位於羽田空港第一航廈6樓展望台嘅「Sky Station」（スカイステーション）。

為了方便食客，這款咖喱是以杯來盛載，而且不會太大份，可以好輕鬆地食用，而剛好可以填飽肚子，上機前食就啱晒，所選用的咖喱是一種加了香料的Keema咖喱，味道帶點辛辣。該公司還表示，食住呢款咖喱睇飛機升降，也是一件不錯的娛樂喎。

東網網站 : https://on.cc/

東網Facebook專頁 : https://www.facebook.com/onccnews/