停泊於橫濱的鑽石公主號郵輪爆發集體感染新型冠狀病毒肺炎,累計超過600人受感染,不少返港接受隔離人士,亦有確診個案。疫症喺郵輪集體大爆發前,早於1月20日黎芷珊在日本橫濱上過該郵輪,5日後抵港,平安落船。不過,回港後得知原來跟80多歲男患者同船,她為人為己主動留家隔離,「閉關」足足一個月,今周二部(25日)芷珊終於安心「出關」,當日本報記者野生捕獲她快閃現身九龍灣及清水灣,除咗急急去辦點公事外,仲到超市補充大量日用品及食物,精神爽利的芷珊姐姐接受電話訪問時興奮道:「好開心,好有放監feel,今次件事真係執身彩呀!」採訪:方騫平、譚壹致、李維隆周二早上11時多,本報記者喺九龍灣mega box停車場內,竟然見到戴住黑超、白口罩,一身黑衣裝束的芷珊獨留車上,未幾有個疑似她眼鏡公司的男員工送來兩袋物件經她簽收。之後她駕車返回清水灣住所附近的超市購物,記者所見,冇出街成個月的芷珊好似放監咁,喺超市逗留近一小時,幾乎每行貨架都睇過,對所有貨品都感興趣,最後買咗蔬菜、水果、芝士、牛油、通粉、乳酪、雞蛋、牛奶、栗米片等營養食品,還有日用品如洗手液、滴露及貓沙等,期間又細心留意漂白水、消毒抹手紙成份,但就冇撲到廁紙,戰利品幾乎塞爆個車箱,真係大豐收。芷珊姐姐經過一個月隔離休息,隔住口罩都feel到她精神更飽滿,亦因她包到冚,置身超市都唔多起見,所以可以free爆咁shopping。
讚政府跟進足夠
事後記者聯絡芷珊愕然道:「係呀!今日第一日出街,所以好開心,有放監feel,幾乎唔識得開車呀!仲買咗夠用個幾兩個月嘅食品同日用品。」黎芷珊延遲隔離期,她強調係自願做法,「見到有啲患者喺14日隔離期後先確診,咁多少都有啲憂慮,更加唔想咁快出街我會嚇親人,提出自我再隔離多14天會較穩陣,跟進我個案嘅姑娘表示支持話『咁就最好啦,肯定冇事!』其實我喺上周六(22日)經已完成晒第二輪隔離,姑娘話係最後一次打畀我話『OK㗎啦!』。喺跟進方面,政府都做得OK,每隔1、2周就有人打嚟問狀況,亦有提供24小時支援服務。」大難不死諗起都驚
由落船至今,芷珊姐姐冇頭暈身㷫,雖然已進入「安全期」,但她仍然關注疫情及其他乘客情況,「原先因為有工作做,所以好好彩咁揀咗個5日短trip,我有朋友旅程較長,搞到一家大細滯留郵輪上,幸好全家驗測結果係陰性可以拎到行街紙,佢哋冇坐政府包機返港,反而選擇留喺日本自我隔離。喺今次事情上,我梗係算好好彩,個個朋友都打嚟,包括楊千嬅話我『死好命!執身彩!大難不死…』其實都係嘅,諗返件事真係好危險,尤其是好似困獸鬥咁將乘客隔離喺密不透風嘅船艙內,咁點會冇交叉感染呢?喺船上嘅隔離做法真係錯到不得了,搞到好多乘客有無妄之災。」
減少社交唔慶生
芷珊姐姐於下月1日54歲牛一,她預先張揚會響應政府呼籲減少社交,暫停生日飯局,「好多朋友約我食飯,不過我都話心領喇!減少人群聚集好過啦!一年半年唔慶祝啫。暫時最快3月尾先有工開,喺疫情下經營嘅眼鏡店短時間內營業額係有增長,但整體生意都係差,唔會入咁多貨,𠵱家成個市都慘淡,但我堅持唔裁員,唔減薪,始終疫情會過去,唔通到時又請返人咁煩咩!反正公司人小小,應該仲頂得住。」
@realRyotaNakanishi🗽 太奢侈了。廢官派一萬元?等1年後才收得到?這個不會解決問題。敷衍民心而已。港人這麼容易被廢官收買嗎?😂 香港與澳門不同,香港需要結構性改革,這種津貼主義是為了逃避改革🤣 為何不願對最大感染禍源的內地實施全面封關,而對南韓願意全面封關?這不是歧視嗎?奸商廢官假媒體勾結如此禍害市民!為何總是把隔離營設在新界貧困區?應把隔離營設在淺水灣!無良廢官羅致光! 盲撐羅之流是愛國愛港嗎?廢官廢策廢黨害國害港害民!疫情失控?根本零防疫!甚至又開放了口岸 😂 所謂廢官奸商才是分化大眾的原因。他們需要政治顏色來分化市民。全面封關呢?俄國,北韓,蒙古,菲律賓都做得好!香港沒有政府!零防疫 😂 五大商會反對了必需品的價格控制,無政府狀態的香港市民的最大威脅並非武漢新型肺炎病毒或所謂暴徒,而是廢官,奸商會,只懂盲撐它們的假媒體,假學者和假政治人物!盲撐廢官才是甲甴!市民的最大威脅絕不是所謂暴徒或武漢病毒,而是廢官,反對官方派發口罩以及反對價格控管的奸商五大商會,煽動口罩慌,廁紙慌,消毒液慌,米袋慌的假媒體,抹黑前線勞動者權益的假學者!盲撐廢官是愛國愛港?那才是害國害港!需要獨立思考!
2020年02月26日15:38
顯示全部