新冠肺炎陰霾下，市民搶購包括口罩同酒精搓手液等防疫物資，就連漂白水、紙巾等日常用品都成為搶購目標，導致價格高昂。十八鄉鄉事委員會前主席梁福元都突發奇想，買咗大批漂白水，莫非佢都想囤積，拎嚟高價炒賣？
廣告（請繼續閱讀本文）
梗係唔係啦，梁福元只不過見市民冇漂白水用，所以入咗大批原材料，打算整完之後，拎去派畀有需要嘅市民，目前已經派咗過千支啦。佢又話，修理風波引起嘅示威活動已經搞到香港唔得掂，依家部分商家仲炒賣物資，形容係「發災難財」，仲話會間接影響市民生命添！
至於一支漂白水成本係幾多？梁福元話入咗3噸原材料，經過稀釋同處理過後就會有9噸漂白水，平均每支漂白水只係個幾銀錢，大鬧商家炒到30、40蚊冇良心！佢又話，漂白水要經過稀釋先可以畀市民用，否則好容易有腐蝕作用，預料處理過後，將會有近10萬支漂白水。最後佢笑言：「口罩冇幾多啦，但我有漂白水呀，幫到幾多咪幾多囉！」
東網網站 : https://on.cc/
廣告（請繼續閱讀本文）
東網Facebook專頁 : https://www.facebook.com/onccnews/
kennymok 算有良心的人講的說話
2020年02月21日14:02
Zakaria 你原液喺唔洗稀釋🤦🏻♂️。市民用時再自行稀釋到1:99或1:50。如果過早稀釋會很快效用消失。
仲有人地唔知你稀釋到幾多比幾多。如果再自行加99份水或50份水。出嚟嘅就會更稀。乜效都無啦。真🤦♀️。
唔夠分又要做大條數先稀釋，咁反而喺靠害他人。
仲有漂白水在強光和熱力下會自行分解失去效用。成堆透明樽放响地上晒太陽又熱，我唔知你心態嗎喺乜，但你的行為總算是幫助人。不過講讀吓書，學多幾隻字，睇吓說明書或注意事項先。到時幫唔到人仲害咗人。🤦♀️
2020年02月21日19:13
顯示全部