【禾輋街市2018】沙田禾輋街市翻新 多間食肆進駐禾輋廣場

沙田禾輋邨今年一次過清空街市、禾輋廣場底層AEON及食肆，連一旁的陳根記、波記也無一幸免，引來不少討論聲音。禾輋街市及商場經過一番裝修翻新後，終於重開，多間店舖進駐。街市及部分商店已開幕，至於廣場內其他餐廳幾時重開就未有消息，不如先睇睇有甚麼新餐廳及美食喇！

禾輋街市翻新後空間更闊落舒適，一樣有不同凍肉、水果、海鮮等店舖。最近更有新優惠 「禾輋街市$1大激賞」。

街市更新開了一間蛋糕材料店，鍾意整甜品的朋友就不用周圍搵喇！

豆腐檔更賣埋豆腐花，暖笠笠冬天食最啱！

豆腐花 ($6/小)

陳根記雖然在石門另覓新舖位，但禾輋仍然可以食到手撕雞，這間手撕雞店有供應多款配料，更有撈麵、手撕雞飯等選擇。

手撕雞、台式牛肉、豬耳三拼 ($58)

份量頗多，牛肉及豬耳夠哂麻辣惹味。

穿過街市進入廣場就去到以前AEON的位置，那裡開了多間食肆，連鎖快餐KFC亦一同進駐。

另有一間新開的親子主題餐廳，亦會有一間日本菜進駐。

廣場1樓更會開譚仔，在禾輋讀書的朋友仔又多一間選擇喇！

街市外圍亦新開了多間餐廳，手卷駅就有不壽司、手卷，亦有丼飯、冷麵等。

旁邊就有車仔麵店～

還有花膠可以選擇！

另外亦有不同小食～孜然雞中翼 ($25)夠脆口惹味。

香炸韭菜餃 ($25)

餡料頗香，更配埋酸辣汁。

以後沙田的朋友又多個地方覓食喇！

禾輋街市

地址：沙田德厚街3號

電話：26922874

營業時間：早上7時至晚上8時