廣告（請繼續閱讀本文）
廣告（請繼續閱讀本文）
洪永城（Tony）與女友梁諾妍自認戀後經常晒恩愛，Tony昨日（6日）36歲生日，今早他就在ig story放閃，上載原本影住日出的片段，說：「最好嘅生日禮物」，另一邊就傳來女生聲音：「唔係我咩」！鏡頭就轉去另一邊影主女友，然後Tony冧爆說：「最好嘅生日禮物係你啦」。梁諾妍亦在ig story貼上約早上7時在大東山爛頭營的日出照，留言：「他的生日禮物」。
Tony在ig發文並貼上於日出背景捧著迷你蛋糕笑到見牙不見眼照，留言：「最幸運的人。前嗰幾日仲大霧落雨，對今日都無乜期望，上山用品就準備好晒，點都要頂硬上，博睇唔到都當行吓山，點知所有發生的都是美好！多謝各位嘅生日祝福，都係嗰句、簡簡單單我就開心啦！😂😂😂 #唔係大東山係大風山 #差唔多吹起咗我 #入夜大概10度 #香港最靚嘅日出」。