遊韓畀「小賊仔」摷袋　鄒莉盈竟然嗌興奮

歌手鄒莉盈（Cecilia）早前生日，特別安排韓國之旅獎勵自己，讓自己抽空放鬆吓，此行最令她難忘是到了著名打卡聖地浣熊Cafe享受靚咖啡，因她一直覺得浣熊很可愛，以往只可以在動物園遠距離觀望，今次可以跟牠們近距離接觸心感興奮：「浣熊仔鍾意有人幫佢按摩，但係如果你身上衣服有衫袋，佢哋會好頑皮咁摷你個袋，睇吓有冇嘢食摷到出嚟，有時動作快到睇唔切，好似小賊仔咁！」不過起初浣熊仔對Cecilia相當冷淡，其後Cecilia出冧招叫浣熊仔做oppa，浣熊仔立即變得熱情，黐住Cecilia近一小時。

另外，她亦去了另一景點星光圖書館，感覺震撼：「呢度有四個超級超級巨型書櫃，好似電影入面場景咁大，大到成個會展hall one展覽館咁誇張，收藏嘅書多到想像唔到，如果要睇哂先返得香港，睇嚟我2046都未返到嚟。」

東網網站 : https://on.cc/

東網Facebook專頁 : https://www.facebook.com/onccnews/