林秀怡被無綫放入雪櫃一年，最近雖然被解凍有劇拍，不過為養家為生計想出不同財路，近日在社交網直銷賣貨，打頭陣孖Hotcha張惠雅（Regen）賣安全套，為力銷超薄度，林秀怡、Regen當場親身測試，為促銷手上安全套，Regen更唔介意公開性經驗，兩女為賣貨相當賣命。
文：東方新地 ｜圖：show4goods fb截圖
林秀怡張惠雅親身測試安全套
廣告（請繼續閱讀本文）
林秀怡和張惠雅（Regen) 在網上平台開live賣貨，一開波二人便話因為在朋友圈中最喜歡試新嘢，所以最適合為大家介紹至抵至好用的貨品，日前首次直播賣貨，林秀怡和Regen首推超薄安全套，為推銷所賣的安全套極薄的特性，林秀怡把安全套套入自己手指上，左拉右扯，即場測試彈力，任她如何大力扯開，以證安全套依然安然無恙。
廣告（請繼續閱讀本文）
張惠雅Regen分享體驗：「薄到感覺到指紋﹗」
之後張惠雅Regen接手，同樣把安全套套在自己手指上，然後話：「我感覺得到我嘅指紋，可想而知有幾貼身同薄身，仲有唔會油立立，拎上手好爽，感覺上可以用嚟敷面㖭喎﹗唔似其他嘅安全套好油，你唔會想拎住。」
廣告（請繼續閱讀本文）
張惠雅Regen爆用過過度安全套
林秀怡、Regen為銷手上的安全套相當瞓身，Regen更在直播自爆自己的性經驗，她指出安全套保用期是廿年，Regen即爆曾試過用過期的安全套，Regen話：「安全套係會過期，我用過，過期嘅令我唔舒服。」林秀怡問另一半會否感到不舒服？Regen話：「我唔知對方，我估佢冇，我就有唔舒服，仲問對方個安全套係咪過咗期？」