廣告（請繼續閱讀本文）
廣告（請繼續閱讀本文）
廣告（請繼續閱讀本文）
下個月，陳煒(煒哥)就48歲，月前傳出煒哥同拍拖兩年半的醫生男友陳國強（Aldous）在家中低調簽紙結婚，仲話煒哥趕生仔所以閃嫁，報道見街後煒哥回應傳媒八個字「唔係事實，專心工作。」日前周日下午，專心工作之餘亦好專心拍拖的煒哥同男友去大坑醫肚，等位其間，可能見到穿深色外套嘅男友膊頭有啲頭皮，煒哥溫柔地拍咗幾嘢男友膊頭，動作好簡單但感覺好有愛好溫馨。而過條短馬路，阿男友都會捉實煒哥，好有初戀Feel。採訪:張詠森
回一回帶先，煒哥於08年同台灣商人顏志行結婚息影，最後分開，12年返港復出拍劇，前年多得老友黃智賢介紹認識醫生陳國強，拍拖兩年同居，近年屢傳好事近。年初兩人去跑馬地睇新樓盤，之後就傳出陳煒秘密再婚，行禮地點喺屋企總之非常低調，不過煒哥否認仲話冇呢個打算。
食唔到豬扒食滑蛋
日前下午2點半，陳國強揸住青色寶馬載煒哥去大坑搵食，兩人本打算幫襯大坑豬扒名店炳記，但因為周日關係，多人咪去第二度囉。兩人過馬路去搵其他食店，條馬路行幾步就完，但陳國強都好緊張咁捉實煒哥手臂，睇呢啲小動作已知煒哥冇揀錯人。路過一間茶餐廳，該處滑蛋飯亦非常出名，見唔太多人，就呢度啦。
等位其間好多嘢講
等位其間，呢對情侶都幾好傾，煒哥發現男友膊頭有頭皮，深色衫有頭皮都幾礙眼，煒哥好識做地幫男友拍走佢。一個捉實過馬路，一個幫手拍頭皮，影足成程嘅攝記都表示兩人「幾Sweet㗎。」等咗幾分鐘就有位，兩人打對面坐，食咗20分鐘，由男友埋單離開。
