網上熱話｜冒險樂園擲彩虹驚現「垂直擲界」 計唔計中獎？

美國冒險樂園的擲彩虹遊戲一直廣受歡迎，去年更一度鬧出有顧客指遊戲的代幣大過綠色範圍，質疑永遠無法中獎，疑似詐騙報警求助，成為網上及傳媒關注熱話，今年4月更有一名女童擲出「垂直藍獎」，代幣垂直置於藍色大獎範圍內而且未有「擲界」，店方最終判定中獎。

「店員笑到傻直接話我中」

社交平台Threads近日有一名女網民拍下照片及影片，可見她於冒險樂園玩擲彩虹，亦擲出「屹立不倒」的90度角垂直代幣，置於綠色第二大獎範圍，惟卻明顯「擲界」，但網民指店員仍計她中獎，又指對方「笑到傻直接話我中」。

網民笑稱「廢事又報警姐」

帖文有19萬人次瀏覽，吸引逾百網民留言，有人笑稱「佢驚如果咁都唔計中既話，下次你就會飛落佢度」、「咁都計唔中嘅話，我會嬲囉」、「你就係彩虹仙子？！」、「打敗99.9%香港人」、「真係好堅呀喂，冇可能唔中呀咁!!!! 」、「好多年前係會唔計中，比你掟過，呢幾年放寬左好多」、「咁難都俾你掉到梗係比你啦」、「廢事又報警姐」。 惟亦有網民稱「上次我都係咁，佢唔計我中」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)