廣告（請繼續閱讀本文）
昨日（18日）是張馨月的34歲生日，她今日（19日）在IG貼出老公林峯為她送上生日驚喜，炮製鮮花陣及送上后冠，明顯待愛妻如王后。張馨月自己都忍唔住晒幸福，上載生日P靚相，寫道：「謝謝老公的生日驚喜，禮物已上手（超喜歡）。」照片見壽星女張馨月身穿雪紡公主裙，身邊全部都係粉紅色玫瑰花，少女心滿滿，側面更同阿嬌（鍾欣潼）撞樣，靚樣再升級。
廣告（請繼續閱讀本文）
張馨月又公開林峯送畀佢嘅生日卡，卡上畫有cute版張馨月加一個立體生日蛋糕，又印有HAPPY BIRTHDAY CARINA，非常有心。林峯於卡上寫上：「老婆：溫馨歡喜盎然，歲月有妳相伴！林峯」真係Sweet到爆。唔怪得之後二人合照時，戴上珍珠玫瑰金后冠嘅張馨月，即刻大大啖錫錫老公，閃盲網民。
東網網站 : https://on.cc/東網Facebook專頁 : https://www.facebook.com/onccnews/