德甲聯賽最後一週，本來領先拜仁1分嘅多蒙特，賽前有望打破拜仁係德甲10個賽季嘅壟斷奪冠，但上半場被緬恩斯攻入兩球，中鋒賀拿(Sebastien Haller)嘅十二碼又未能送入網，奪冠唯一希望只有拜仁對手科隆能夠成為攔路虎。
而奇情一刻確實發生，81分鐘基拿比禁區內犯規輸十二碼，科隆賽和拜仁慕尼黑1比1，多蒙特奪冠機會再現🥹然而，後備入替嘅梅斯亞拿(Jamal Musiala)係89分鐘挺身而出做英雄，禁區邊接應基拿比嘅傳送，一攞一轉身射遠柱入網，功架十足，結果拜仁以2比1再次領先對手，全取3分，即使多蒙特2比2賽和緬恩斯，拜仁亦以較佳得失球差奪走今季聯賽冠軍，達成11連霸🏆
廣告（請繼續閱讀本文）
Follow 足球港場Instagram