生前思死後｜嘆時日無多92歲黃夏蕙辦最後派對！盼與仔女見面、遺體捐醫院做大體老師

現年92歲的黃夏蕙日前回流香港，更突然宣布將會於4月28日舉行一場「最後派對」。因為有感自己近日體力下降，所以想見親友一聚，完成自己未完「責任」。撰文：CK@Medical Inspire│ 圖片來源：黃夏蕙Facebook

生前思死後｜嘆時日無多92歲黃夏蕙辦最後派對！盼與仔女見面、遺體捐醫院做大體老師

「呢年覺得有心無力，有啲攰，親力親為好辛苦。百年歸老唔火葬，將遺體捐畀醫院。我本來唔驚死，但我有未完責任，想搞埋呢次慈善會，想同親友聚首，想交低基金會『夏蕙之家』。」

黃夏蕙雖有7名子女，不過各人都定居各地，黃夏蕙亦直言經已多年沒有見面，不過因為子女七人各有自己一番事業，黃夏蕙亦感相當自豪及欣慰。而黃夏蕙亦從不會過問子女的事：

「大咗，好少見，個個都有自己生活，我好放心，佢哋搵到自己鍾意嘅嘢。不過就好希望見下一班仔女，最近我覺得身體狀況明顯下滑，好想同外國嘅仔女，一齊影張合照，好想同大家分享，隱藏喺心入邊嘅一啲說話。希望仔女能夠見我一面，因為我時間無多，個慈善基金都要畀有緣人做，想畀有為嘅人繼續做。」

雖然黃夏蕙多年來曾多次提到自己不怕死，但亦希望能夠長命可以多做慈善工作，而未來亦不會再離開香港：

「唔會再去外國，因為我屬於香港。」

雖然自覺身體不妥，但多年堅持不去Body Check，黃夏蕙今次但決定在Party之後去做一身全面身體檢查。

另外，黃夏蕙亦在片中大談跟有婦之夫胡百全的一段情，因為當年胡百全非常鍾意細路，所以就為對方誕下7名仔女，而胡百全雖有老婆，但亦為黃夏蕙安排周到：

「佢唔使你出聲先做一樣嘢，我鍾意一個人不惜一切，以前就算佢有老婆都每個鐘頭一個電話，我日日都同佢一齊。」

而黃夏蕙亦非常鍾意對方，自己對小朋友不會大細超或妒忌，因為7個都是在家中成長，一放假就會一家人一齊去街。胡百全更每日去自己屋企，只在晚上睡覺才回家：

「所以我對於佢係冇壓力，佢愛我愛到夜晚黑都一路打電話嚟，即係每日都係一定。」