聲言黑奴後代不應交稅　泰倫斯侯活被追欠稅逾700萬

美國男星泰倫斯侯活（Terrence Howard）昨日（1日）被美國政府入稟追討2010年至2019年間的欠稅57萬8,000美元（約450萬8,400港元），加上罰款總共90萬3,114.72美元（約704萬4,295港元）。

雖然泰倫斯未有上庭，政府代表律師Maria Elizabeth Ruwe於庭上公開泰倫斯上年11月留給她的電話訊息，其中泰倫斯憤怒地表示黑奴後代不應交稅：「400年嘅強制勞動，從來都冇被補償過！依家你竟然斗膽嘗試向呢班因為你哋而被壓逼嘅人嘅後代入稟同徵稅？」訊息中斷後，泰倫斯又再留下另一訊息：「好老實，成個美國應該原則上變成黑奴後代嘅資產。但既然你冇呢個能力或者勇氣去做到，我哋就法庭見啦……我哋會砌低你哋。」法宮繼而問律師，泰倫斯的恐嚇是否牽涉刑事檢控，律師回答已經轉交律政司調查，暫時未知結果。

東網網站 : https://on.cc/東網Facebook專頁 : https://www.facebook.com/onccnews/