馮素波回應與Anson Lo撞樣 「呢個男仔乜咁好樣嘅？」

資深藝人馮素波（波姐）首次拍攝ViuTV劇集，在《繩角》中飾演Lokman嫲嫲。首次與Lokman和AK合作的波姐大讚兩個孫仔乖巧好學，不介意和兩位後輩分享拍劇心得。

原來波姐是因為早前有網民指Anson Lo與自己似樣，才開始留意MIRROR：「我好少上網睇呢啲年青人嘅嘢，有一日瞓醒阿仔俾個app我，整咗張相我睇。我開頭以為佢話我似男人，之後了解咗先知，呢個咩男仔呀，乜咁好樣嘅？咁先開始知道原來佢地叫『鏡仔』。」

AK指今次和大前輩波姐合作，獲益良多：「同波姐做對手戲時學到好多野，佢會share好多無論拍戲上定人生上嘅經驗俾我。我細細個就睇佢啲戲大㗎喇！」

其後，當AK得知波姐以前是組合「七公主」成員，更指有機會要向波姐偷師，學習組合相處之道。