近年梅窩多咗打卡 café又有突然紅起來嘅麻糬王，其實仲有一間已在這開店十年嘅 Village Bakery，可以話係梅窩島上唯一專門製作手工麵包嘅店，出品嘅西式麵包、蛋糕深受梅窩居民歡心，尤其係外籍居民，經常可見一家大小嚟買麵包。
廣告（請繼續閱讀本文）
而最多遊人嚟食嘅一定係蛋撻，特別用上牛角酥嘅麵糰與摺疊方式，做出超多層次嘅撻底，而且特別將摺疊面向外，因此從外看已可見撻皮仔細嘅層次，咬落去十分酥香，蛋撻漿焗至微燶，香甜嫩滑。
甜酥類嘅出品仲有蝴蝶酥、牛角包等，全是家店自家手工製作，本地居民就多數選購平實嘅麵包，酸種麵包都有不少口味，紅莓朱古力、全麥、雜糧等。軟熟嘅吐司類別也有紅菜頭等不同口味，蛋糕則以紐約芝士蛋糕最受歡迎，有大有細嘅尺吋。
廣告（請繼續閱讀本文）
店內設有約 10 個座位，亦有咖啡等基本飲品，離碼離只需要 3 分鐘路程，等候上船前先來一個蛋糕剛剛好啊。
廣告（請繼續閱讀本文）
地址：梅窩碼頭路 16 號福安閣地下 2 號舖
營業時間：星期一至六7am-7pm、星期日及公眾假期 8am-7pm
電話：2980 3344