廣告（請繼續閱讀本文）
廣告（請繼續閱讀本文）
人氣男團MIRROR成員Anson Kong（AK）自2021年就開始同大佢11歲嘅DJ麻利亞（麻利）傳緋聞，二人多次否認拍拖，但又成日糖黐豆咁周圍去，不避嫌嘅態度反而令網民不禁有揣測。近日，同樣《全民造星》出身、又係AK好兄弟嘅舞蹈員Tank，搵埋成班好友去日本富士山旅行，更同《造星3》女友方方（方芷欣）求婚，場面浪漫又感動！
多人晒出當日嘅求婚大合照，有網民就發現AK同麻利原來係一齊去為Tank助陣，二人時隔多時再次合照，竟有AK粉絲「生粉」喺粉絲群組留言寸爆指相中眾人都係一對對情侶，質疑AK唔係單身，而係有「同行人」，向來火爆嘅AK即爆seed開火，自己粉絲都照鬧。
廣告（請繼續閱讀本文）
於網上流出嘅對話截圖就見到，AK接連發言轟有「生粉」多管閒事，將自己幻想嘅嘢當成真：「同行就叫拍拖咩 tank求婚 佢想佢身邊愛嘅人出席有咩問題？我同邊個做朋友亦有我自由，我做藝人唔代表你哋可以干預我嘅交友圈子。唔好自己覺得咩加個故事就當係」、「由頭到尾都係你哋自己幻想，然後仲要攻擊我朋友，我已經唔出聲。Yes 我哋係以family相稱，代表我哋感情好好有咩問題？」
AK激動表示自己已經忍咗好耐，強調男女間唔只係得愛情：「我忍咗好耐，一直唔出聲，唔該大家唔好咁無聊，男女之間一定只係得愛情咩？你哋要點諗我無所謂，因為點講都有人會唔明，但我只係過自己想過嘅生活，同我嘅朋友一齊經歷每一個人生重要嘅moment。」嚇到大批生粉急急留言安撫AK，怕男神嬲豬情緒失控，好似去年咁退出粉絲群組。
東網網站 : https://on.cc/東網Facebook專頁 : https://www.facebook.com/onccnews/
Lau Wan 其實藝人只係職業而己，唔開工私底下，佢哋同香港人生活係一樣，鍾意佢咪去追蹤佢囉，但個人生活，其他人關你哋咩事呢？如果係你自己嘅私人生活，人哋都係咁樣對你指手畫腳，你會忍咗佢定反駁呢？唔好用自己嘅想法去約束人哋嘅生活吧，過好自己嘅生活，已經好好😌啦，咁鍾意做太監聽房，就去發掘啲令自己及香港有幫助嘅事吧，針唔拮到肉唔知痛，用道德綁架嘅觀念去批鬥別人，應該返大陸生活會啱啲。
2023年11月13日07:42
行過路過 呢個世界就係有咁多人鍾意指手劃腳，自己D野都未做好，係要人地點點點，你地係佢邊位
2023年11月13日09:03
John 講得好，抵讚。
2023年11月13日08:36
ATO 咁佢又啱既，將佢呢件垃圾同佢個frd拉埋一齊，又真係好侮辱佢個frd😩😩😩😩
2023年11月13日09:08
顯示全部