昨日（1／7）是伍詠薇與丈夫練海棠結婚20周年，雖然多年來練海棠兩次被指出軌，但二人最後選擇攜手面對風波。在結婚20周年的大日子，伍詠薇就選擇在Insatgram 發佈二人合照，並表示「接下來的日子，下半場人生，一起好好生活吧」。
撰文：KM | 圖片：伍詠薇@ig
伍詠薇練海棠結婚20周年
伍詠薇昨日在Insatgram 發佈與丈夫練海棠二人的合照，並表示：「 H20⋯⋯H stands for甚麼？我不會一一填充。今天是我倆結婚20週年，一段挺長的婚姻關係，一切盡在不言中，當中甜酸苦辣，喜怒哀樂，互相扶持包容甚麼都有，不容易。沒有鮮花，禮物，不再需要。老練，我沒甚麼再給你。因為我最好的時光已經給了你，接下來的日子，下半場人生，一起好好生活吧。我祝福我們身體健康平安快樂順心如意，繼續細水長流的步伐一起走到一個喜點。祝我們結婚20週年快樂。」，超感性！
無隻眼開隻眼閉
伍詠薇跟現任丈夫練海棠，二人人前恩愛，但多年來，練海棠曾兩次被指出軌，對上2016年一次，伍姑娘更代為向公眾道歉。伍姑娘曾接受商台節目《1圈圈 星光背後》訪問時被問練海棠二度出軌嘅事，她說：「我冇隻眼開隻眼閉！如果係嘅話，你會睇到出我係唔舒服，點解要咁做？有啲人係會死頂，但係我唔會！」
伍姑娘話第一次睇完啲出軌相，真係毛管戙咁起雞皮，嗰陣都大家都有傾過呢個問題：「其實我自己都有啲責任，因為慣住做嘢，少咗時間陪佢。」
到咗2016年老公第二次出軌，伍姑娘更代老公向公眾道歉，坦言感到很心痛及失望。伍姑娘話：「我同佢講：『走唔甩啦！唔係我睇到，係記者發現！』不過真係好心痛、好失望。但係老公係自己揀，與其諗係咪佢錯晒，不如檢討吓自己有冇錯。我信呢件事係真，但事情發生咗，大家坦誠溝通後，睇吓可唔可以再一齊行落去！」
另外，伍詠薇透露89年參選亞姐，其後與相差31年的首任丈夫翁江培於90年結婚，但婚後13天，翁江培於陪同她到深圳登台期間心臟病發猝死，當時她年僅21歲：「那時結了婚十多日，丈夫和他的家人及幾位朋友陪我去登台。那時我還未唱完，我先生突然離場，我以為他想出去呼吸新鮮空氣、去一下廁所。怎料唱完後，家人就跟我說：『他突然不舒服、喘不過氣來，現在正在去醫院。』到達醫院，已經看到在進行心臟電擊搶救，之後醫生跟我說：『這個人已經離開了。』太突然加上當年太年輕，不懂反應！」
事後一直有傳伍姑娘繼承咗逾億遺產，伍姑娘話：「根本冇呢件事，嗰陣周圍嘅人都做編劇，試過有啲唔識嘅人，喺條街鬧我八婆，真係有苦自己知，依家見我嬉笑怒罵，其實係嗰幾年鍛煉返嚟！」
結婚19年，二人經歷過不少風浪，老公之前曾兩度出軌，伍姑娘也選擇包容，早前伍姑娘趁住有時間有拖住老公練海棠去戲院睇戲拍吓拖。
呢個時候老公練海棠好識做咁企喺商場大堂等埋老婆一齊行，呢對夫妻有幾恩愛之唔係由生活細節就睇得出！
女人唔補唔止易老仲易病，入商場前伍姑娘披番件披肩先，老公練海堂就望實老婆靜靜等候。
拍戲還拍戲，始終都係現實生活最重要，所以忙完新劇宣傳，伍姑娘趁有空即約埋老公練海棠去睇吓戲拍吓拖。雖然婚姻曾出現過風浪，不過伍姑娘對老公同自己都充滿信心，仲自爆有唔少小鮮肉追求㖭﹗
兩公婆一齊買飛、一齊買零食準備入場，結婚十九年步伐一致睇戲喜好亦都一致。
睇番那些年舊照，伍姑娘真係爽朗又性感！