廣告（請繼續閱讀本文）
59歲劉少君於本月20日確診新冠肺炎，隨即入住伊利沙伯醫院的隔離病房接受治療。
昨日留院第10日，他透露已接受鼻腔檢測並呈陰性，若第二次檢測也呈陰性便可出院，結果今午劉少君拍了一條短片公佈康復出院的喜訊！
精神飽滿的劉少君笑容滿面地說：「現在大約是中午的12點，我收到一個好好的消息，我已經全部復原，可以幾個小時後出院，在伊利沙伯醫院大概治療了11日，7月20號入院，7月31號出院。首先我要多謝所有醫療團隊咁細心的照顧我，特別是我的主診女醫生，決斷英明，判斷得好好。希望大家都注意衛生，最重要是對抗病毒，多謝關注和關心我的人，多謝！」
廣告（請繼續閱讀本文）
其後於下午2時，等候出院的劉少君再拍片說：「現在心情都幾好、幾愉快，起碼可以搞掂個病毒，但係都無得好講，這個病毒係無形，都不知幾時在你身邊，最重要係24小時都保持衛生，個人衛生好重要。現在的心情好似發了個惡夢，個惡夢返出來就係好夢；還有今次好深感受係，香港醫護人員真係好盡心盡力醫治我們這些病者，真係好感恩，我真係要俾個like所有香港醫務人員，多謝他們照顧我們，多謝晒！」
對此，因身體狀況轉差而於前日轉院繼續治療的麥德羅，透過電話向傳媒表示很羡慕好友可出院，他說：「恭喜劉少君今日可以出院，可以出院等同中六合彩一樣！唉，我都希望出院呀，希望我呢兩、三日會有好消息啦！」並謂暫時未有唔舒服，又表示辛苦各位媒體朋友掛心，之後他再補充：「健康比財富更可貴！」