橋唔怕舊最緊要受，抄橋成功一樣係高手，講緊嘅係現年31歲，16年港姐季軍陳雅思（Bonnie），在無綫四年數月前宣布離巢，唔撈無綫，陳雅思原來睇中近年做瑜伽教練做到爆紅，網上個人瑜伽班平台有過百萬訂閲嘅Coffee林芊妤，更效法對方在網上平台教瑜伽，樣靚又有身材嘅Bonnie，做生招牌肯定有客路，一個唔覺意做埋Coffee2.0，就真係前途無限嘞！
撰文：東方新地
圖片：陳雅思 IG、新傳媒
藝人陳雅思2016參選香港小姐，當選季軍加入無綫，其後喺節目《歎得好健康》晒胸浸溫泉，而深得網民喜愛升呢女神！不過佢就決定放棄做藝人，喺社交網正式宣布離巢無綫，提到過往參與過主持、戲劇及模特兒等工作，她承認獲益良多，又指因為想作出更多新嘗試、追尋夢想，而決定離巢，並透露未來將會專注經營其設立嘅瑜伽網絡平台。
與同年冠軍馮盈盈、亞軍是劉穎鏇及張寶兒、蘇韻姿、阮嘉敏等，陳雅思一樣獲安排拍劇及主持工作，但論知名度就不及其餘佳麗，又難怪佢意興闌珊離開，早前她考獲瑜伽教練資格，並在社交平台開Live教學，終於搵到自己出路。
一向注重健康飲食，鍾意運動的她身形Fit爆，更不時在個人IG分享靚相，好身材早已令一眾女生十分羨慕，早前她設立自己的品牌「Mind Bonnie Soul」，學足Coffee吸金路，原來佢亦同Coffee一樣，因新冠肺炎肆虐影響，教開嘅瑜珈班Studio都關閉咗，轉做網上教學一樣係王道，睇Coffee咁成功就知！
陳雅思 歎得好健康
17年陳雅思有份主持節目《歎得好健康》，拍住黎諾懿同丁子朗等人去日本同台灣等地，探討一下健康資訊！點少得浸溫泉呢啲畫面呢？果然一浸成名。
陳雅思 誘人小背心
雖然陳雅思唔及同屆馮盈盈同劉穎鏇有名氣，但其實佢樣貌身材都相當唔錯！陳雅思之前去旅行，除咗三點式，仲準備咗一件白色緊身小背心，晒事業線外，玩完水件白色背心仲要濕濕透透，真係格外誘人！
陳雅思 泳裝歎世界
之前去馬爾代夫度假，陳雅思準備幾套三點式泳衣享受嘅陽光與海灘呢！
陳雅思當年選港姐時相對無咁出眾，唔算係大熱，不過其實條件絕對唔差！睇吓阿Bob問問題問得幾投入？伸晒脷喎！
平時Bonnie好鍾意做運動㗎！