話說萬眾期待已久嘅Switch遊戲《Let‘s Go！比卡超！》同《Let’s Go！伊貝！》將會喺今年11月16日發售！而特別嘅係，屆時仲會有特別版Switch推出添！
Switch除咗開頭嘅藍+紅Joy-Con同灰色Joy-Con，之後都有配合唔同嘅game主題，推出相應顏色嘅Joy-Con。今次為咗配合11月16日推出嘅新game《Let‘s Go！比卡超！》同《Let’s Go！伊貝！》，將會有特別版Switch同日發售！
包括印有比卡超同伊貝剪影嘅Nintendo Switch 主機、
比卡超同伊貝配色嘅Joy-Con、
印有伊貝同比卡超嘅Dock機座！
而玩家可以一個set咁買，包以上提及嘅新Nintendo Switch（主機+Joy-Con+機座）、《Let‘s Go！比卡超！》或《Let’s Go！伊貝！》、「精靈球Plus」。
而《Let‘s Go！比卡超！》同《Let’s Go！伊貝！》遊戲內容大概係咁嘅，除咗精靈間嘅打鬥之外，仲有其他嘢㗎！
玩家帶住比卡超或者伊貝，喺冒險途中將會遇到阻塞道路嘅障礙物或者需要跨過大海到達目的地，呢個時候就需要小精靈拍檔嘅幫忙啦！
玩家同精靈拍檔互動嘅次數越多，你哋嘅親密度就會越高！
咁拍檔就會主動同你擊掌，仲會將喺第二度執番黎嘅禮物送俾你㗎！
超級搞笑嘅係，摸吓精靈嘅頭，仲可以幫佢換髮型添！
套裝售價為：37,980円（税別）
發售日期：11月16日
不過暫時就未有得單買Joy-Con住啦～大家集氣啦！留意官網消息啦！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）