37歲李佳芯打破捱窮走樣傳聞 保持零死角靚靚開工

早排有傳李佳芯遭無綫「雪藏」，話佢冇工開又話佢要捱窮搞到落晒形兼走晒樣，謠言滿天飛，總之講到有咁陰功得咁陰功！日前Ali喺中環為《愛美麗狂想曲》開外景，笑容依舊別來無恙。

撰文、圖片：東方新地

李佳芯劇接劇開足半年工

實情係呢幾個月低調啲啫，佳芯 BB 一樣受重用重頭劇開不完，劇集《 愛美麗狂想曲 》同《 殺手 》接住落開足半年工，啱啱過年至有機會攤抖吓咋！ 以佳芯BB嘅外形同條件，有樣有演技呢啲真係買少見少，TVB大型節目仲見到佢，就證明公司冇放棄佢嘅！

保持零死角靚靚開工

其實做娛樂圈絕對係心理質素大過一齊，任憑出面流言滿天飛，有冇被雪有冇工開最緊要自己知，所以早前見到李佳芯喺中環為新劇《 愛美麗狂想曲 》趕煞科，一樣360度零死角靚爆鏡，心情一樣好靚去到邊都 keep 住笑容喎。天氣涼涼哋，見到佳芯 BB無添加甜美笑容，當堂暖番晒！

冰鮮Ali懶理雪藏繼續慢活 32歲高海寧狙擊37歲李佳芯

李佳芯前年憑《 BB來了》勇奪視后，但早前因網上言論，傳遭無綫雪藏，拍完《愛美麗狂想曲》後便「被休息」，曾是好姊妹的高海寧高Ling即把握機會，胸狠狙擊Ali，但對被冰鮮的Ali似乎影響不大，繼續樂活人生。

撰文、圖片：東方新地

李佳芯高海寧曾結伴同遊為上位姊妹冇情講

去年開始啲當家花旦一係離巢一係結婚生仔，年中又發生黃心穎偷食事件，早前連上緊位嘅Ali（ 李佳芯）都盛傳入埋雪櫃，高Ling上位機會嚟喇！雖然佢同Ali好friend，不過為上位姊妹都冇情講，高Ling劇接劇，出年分分鐘有劇跑出。嚟緊會開拍嘅《BB來了2》，Ali被飛，女主角雖然換咗香香（岑麗香），但高Ling角色同戲份一樣重，好有發揮。

View this post on Instagram

☀️ 終於有空間給我懷念一下巴塞的時光。 沒有陽光，也無損好心情！🥰 @aliaime #spain🇪🇸 #旅行是为了遇见更好的自己

A post shared by ♥️Ko Ling 高海寧 (@sammkoling) on May 24, 2019 at 8:25pm PDT

冰鮮李佳芯懶理進修旅行做貼地女神

Ali被封貼地女神，冇工開就慢 活打發時間，停工前本刊記者見貼地女神拍外景時心情靚靚，而她表示會趁放假報讀演藝課程進修及學畫畫。

她承認暫時未有接拍新劇，市道亦都很靜，現階段工作量減少，趁現在有時間，會和男友去短程旅行，亦計劃獨自去長途旅程。