陳國坤撐警隊執法：「暴徒一個都唔好X放過」

最近愈來愈多藝人就社會議題表態，繼李力持要求暴徒向林鄭及警隊道歉，於《少林足球》入面飾演小龍一角、近年經常飾演警察的陳國坤，亦站在支持香港警察的一方，連日出post力撐警隊，大鬧「暴徒一個都唔好X放過」。

陳國坤在facebook留言：「乜X嘢世界，痴X線，支持香港警察，和平抗議無問题，但暴徒一個都唔好X放過」、「香港警察對這些鼠輩千萬不要留手」。對於日前墜樓喪生的反修例黃衣男是遭人利用，陳國坤就表示：「烈士……代表不顧家人感受，放棄關心你嘅人的愛、期望！我X唔信他們想你以死作代價…..R.I.P.， 利用你的人希望他們早日與你相見」。

對於遊行當日有示威者自發開路給救護車，被形容為「摩西分隔紅海」，陳國坤指：「唉，和平抗議係好事，但一日到黑，外國……外國，鬼佬養你哋咩，我XXXX我哋喺香港人呀死鬼佬！假绅士，僞君子，我都唔想太激進，但香港就係自由城市，我有我發言權，分乜X嘢红海jer……好自豪咩，原本救護車係應該行70km/h，依家喺個紅海裡面行2、30km/h…..救人呀！刻不容缓架….唉」

連日發表惹火言論，當然引來大批網民留言攻擊。他在facebook post了一張寫上：「請停止惡毒留言，彼此未必同一立場，但大家都應該保留人性和良知」的圖片。他亦於今日下午留言表示：「大家努力維護自由，而且又咁X團結，言論自由呀，我係X暴徒呀X頭，自己對號入座咁X蠢都有嘅！夠薑面對面X，留言無X用㗎。」

Text：機