成日聽人講，呷醋呷得多，代表你對愛情無信心，對方不能給你足夠的安全感，好易因呷醋而分手。其實，適時呷醋，或者製造讓男朋友呷醋的機會，也是愛情攻心計之一。
廣告（請繼續閱讀本文）
男人惰性比女人重，當拍拖愈耐，你在男身邊不離不棄，他就非常有安全感，唔會再諗點氹你。男人眼中係細水長流的平淡愛情，女人眼中就變成無心思無驚喜的愛情。
廣告（請繼續閱讀本文）
製造機會讓男朋友呷醋
女朋友偶爾可製造機會讓男朋友呷醋，他妒忌才代表著緊你！例如，做完姊妹團就可跟他分享有兄弟對自己有意思，測試男友反應，同時讓他知道你有market。
廣告（請繼續閱讀本文）
男朋友呷醋 你都要識做！
測試完反應，知佢有無呷醋，都要包底，跟他說拒絕了兄弟的約會請求，好讓他安心。記住，目的唔係炫耀自己有好多人追，而係一次半次俾佢緊張下女朋友，否則一不留神就被其他人搶去。
男友鍾意女朋友呷醋？
調返轉，女朋友都要識呷醋，男人才喜歡。男人眼中，會呷醋的女人好可愛，只有鍾意你才會不滿和其他女生過份親密。
不必扮大方！識呷醋才是愛情高手
所以女生不用扮大方，如果知另一半去飲酒，不妨問一句：「有幾多女仔去？」記住，唔係唔俾佢去參加聚會，只係俾佢知你都識妒忌，令佢有種優越感。
以上呢種呷醋方式，既是真性情，也是要專登做出來讓男人feel到。但需緊記一點：唔好任何事、任何人都呷醋，過咗火只會令男友覺得你嫉妒心重，分分鐘變怨婦。呷得聰明些，才能掌控愛情。
女友必學隱藏式呷醋技巧
呷醋方式不一定用言語單打，也毋須俾面色男朋友睇，善用身體語言亦得。例如當跟男朋友和一班朋友聚會時，男友跟某女性朋友傾得太投契，你唔係好爽，唔洗離場或鬧交，試下行埋去窩心地挽著男友的手，半倚靠他，融入兩人話題問：「有咩咁好傾？」
這不止是宣示主權的方式，最重要係男友會由心而發feel到你醋意大發，唔洗言明，就識收儉，高招！
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**
