廣告（請繼續閱讀本文）
藝人崔碧珈早前由美國返港後，入住酒店14日進行隔離，尋日佢終於完成隔離，可以「重見天日」。返到屋企嘅佢，急不及待爭取同媽媽相處一番，做番個孝順女煮「愛心炒蛋」畀媽媽，報答媽媽呢14日風雨不改送飯畀佢，同時佢亦多謝酒店工作人員嘅幫忙：「尋日終於完成14日家居強制隔離，暫時身體係健康，好開心終於可以返屋企了，呢段日子有勞酒店同事每日為我量度體溫，非常貼心，上上落落幫我傳遞東西，再加上，一路上網同你哋傾吓計（偈），令我覺得呢兩個禮拜唔難過，有互相支持，互愛嘅感覺，另外亦辛苦媽咪每日都要送飯餸過嚟畀我。今日瞓醒到我煮嘢食了，因為媽咪係素食者，所以決定整又好食又容易嘅餸，就係『愛心炒蛋』哈哈！」同時佢亦話雖然隔離完畢，但冇咩必要都唔會出街，同大家一齊抗疫。
東網網站 : https://on.cc/
廣告（請繼續閱讀本文）
東網Facebook專頁 : https://www.facebook.com/onccnews/