張致恒為囝囝慶祝一歲生日 老婆雯雯︰希望你開心健康

張致恒（Steven）去年7月宣布已做老竇，太太雯雯為他誕下兒子「天寶」，同年11月雯雯再度懷孕。不經不覺，天寶已經1歲大，Steven與腹大便便的雯雯送上卡通生日蛋糕為他慶祝。1歲大的天寶肥肥白白，十分可愛，Steven抱住兒子，有子萬事足。

雯雯在社交網分享照片，留言︰「2020.4.8 我個仔1歳喇！呢兩日不停回想番上年嘅今日發生嘅每1秒…一切都好似發緊夢咁。不過，我好感恩可以有一個咁可愛嘅小朋友。我只係希望你可以開開心心身體健康…之後發生係（喺）你身上嘅都係好事😘」

雯雯再分享Steven抱住囝囝點蠟燭及唱生日歌的片段，留言︰「到今日起身都好似係仲係發緊夢咁…由上年夜晚瞓唔著（着）到入院再到入手術室，係（喺）手術室同個仔一齊努力…每一秒都好似岩岩（啱啱）發生咁。生BB其實真係好奇秒（妙）…到今日個仔已經1歲，仲已經好百厭，一點一滴真係好感動。❤️」

（即時娛樂）