後生仔傾吓偈 | 馮盈盈大爆女星秘密 陳煒、陳凱琳、麥美恩走唔甩

J2台節目《後生仔傾吓偈》出名多料爆，一班主持亦出名敢言，之前有一集，主持馮盈盈、鄭衍峰、陸浩明及黃美棋等，就大爆藝人秘密，原本眾人話唔會開名講，點知講到好High收唔到口，當中煒哥（陳煒）、陳凱琳同麥美恩都走唔甩，畀佢哋爆唔少嘢！

撰文：東方新地 ｜圖：《後生仔傾吓偈》截圖

《後生仔傾吓偈》開Live爆陳煒超豪

《後生仔傾吓偈》早前開Live，主持大爆藝人秘密，原本一班主持話要揞名爆，不過當愈說愈high，變成日開名爆了不少藝人秘密。近年在TVB 甚吃得開的陳煒，原來在電視城堪稱超豪藝人，每次出外景，煒哥都會問工作人員附近有乜好嘢食，然後一放lunch或者宵夜，煒哥就會買到成枱嘢食萬歲，好客程度係好到每日開工都萬歲！唔止對幕前演員，對幕後一樣好到加零一！

《後生仔傾吓偈》爆陳凱琳勁叻Social

馮盈盈爆完豪爽煒哥之後，一班後生仔主持再大爆另一位TVB花旦陳凱琳秘密，指原來Grace（陳凱琳）勁叻Social 而且好有禮貌，陸浩明大爆話，Grace在電視城開工，在錄影廠行一條走廊，原本人哋用十秒行完，Grace會行足十五分鐘，因為佢行過見到乜人都會逐一打招呼，化妝、整頭亦狂吹一輪，為人勁nice。

麥美恩勁大食

而講到鍾意萬歲，除咗有陳煒去到邊請到邊之外，新紥主持麥美恩（Mayanne）原來就好鍾意請飲茶，每次同大家外景拍嘢，一定提出到飲茶歎點心，而且每次都瘋狂嗌嘢食，每樣點心會以五籠為單位，十個人食叫了廿人份量食物，一枱點心可以叠到高一高，馮盈盈笑言同Mayanne飲茶，點心紙一定唔可以過她手，因為每次都食唔晒要打包走。

除咗開名爆料，一班主持更揞名爆話，試過有一位《後生仔》女主持，收到一個男藝人DM約會，但原來該男藝人用同一個短訊，不停DM《後生仔》其他女主持，邊個漁翁撒網？大家真係要自己估吓！