▲MC邀請Jay合唱《反對無效》英文版《How Many Times》。
Jay Fung馮允謙日前為樂壇新人MC張天賦作曲的新歌《反對無效》獲外界一致好評，MV在YouTube點擊更突破200萬。
▲《反對無效》MV在YouTube點擊更突破200萬。
日前MC邀請Jay一起走進錄音室，合唱《反對無效》英文版《How Many Times》，以及Jay的新歌《因愛之罪名》英文版《Can’t Stop Myself Tonight》，兩首歌的曲及英文歌詞，均由Jay親自譜寫，充分表現出音樂才子的一面。
▲《Can’t Stop Myself Tonight》的曲及英文歌詞均由Jay譜寫。
《How Many Times》合唱版早前已上載到MC的個人YouTube頻道，短短一星期便衝破34萬點擊，昨晚（7月26日）兩人另一首合唱歌《Can’t Stop Myself Tonight》，亦已上載到Jay的個人YouTube頻道。
▲Jay對後輩非常照顧。
兩人在錄音當日雖然是第一次見面，但Jay對後輩非常照顧，由於兩首歌的高音部份相當之多，Jay細心地指導心情緊張的MC一些飆高音小技巧，未幾兩人已在鏡頭後又唱又跳，很快打成一片。
▲Jay細心地指導MC一些飆高音小技巧。
「今日可以邀請到阿Jay上嚟同我合唱兩首歌，我好開心，又好緊張，之前聽人講阿Jay份人好nice，而家見埋真人，真人原來更加nice。」MC難掩興奮地說。Jay見狀發揮了他的搞笑本色說：「我想講，你首歌真係好好聽，哈哈！唔係因為首歌係我作，而係你真係唱得好好，你唱得咁好聽，我冇可能唔nice啦！」
▲Jay直言有睇MC在《全民造星2》的演出。
MC回想當日收到《反對無效》的demo時，聽到前奏便愛上這首歌，他說：「Jay喺個demo一開頭有段ad-lib，我一聽到就同同事講『得嘞！我要呢首歌！』我好想學到你嗰段ad-lib，但我到而家都精通唔到。」之後Jay順應MC的要求，現場演繹該段ad-lib：「其實辛苦晒MC，因為《反對無效》呢首歌好高音，好難唱，但MC唱得好正，啲高音好正，我之前有睇你《全民造星2》，知道你唱歌好好聽，下次不如我再寫隻飆高音嘅歌畀你。」