影星何超儀的丈夫陳子聰近年身體狀況麻麻，去年曾因大動脈爆裂嚴重內出血一度昏迷多時。她日前在一個慈善音樂會中透露，陳子聰早前在美國做手術好成功，她表示丈夫不需再用尿袋，並已回港可以走路，現時終於能放下心頭大石復工。
何超儀指出，「真係飲得杯落，老公已經好番，現在在家睇電視。今次封了舊的造口，再開新造口，不需再用尿袋。佢乜都醫好晒，差少少手尾，4月再去美國做多一次手術，封埋新造口就完成」。
廣告（請繼續閱讀本文）
她透露今年生日很開心，因陳子聰早前在美國手術成功，聖誕節兩人亦在家過二人世界：「佢而家喺屋企睇電視好開心，咩都醫返好，爭少少手尾，4月返去搞埋佢，好多醫生幫佢做手術，做咗17個鐘，做之前都有擔心，但醫院有顯示牌話畀家人知而家去到咩狀況，所以唔使成日去敲門。」
她續指：「舉重嘢啲動作一定唔可以做，如果有人夠薑叫佢搬重嘢，佢就死喇，我就揼嗰個人，揼硬，即揼！」她又表示老公手術後有點瘦，醫生也叮囑要「谷肥」他，但不可吃肥膩食物和海鮮，現在主要羊肉及牛肉。
製圖／文字：Health Concept
廣告（請繼續閱讀本文）