湯洛雯過大禮超誇張陣容　收4對流星錘龍鳳鈪「多謝馬生疼愛」

湯洛雯（Roxanne）將於12月與拍拖三年的馬國明在外地舉行婚禮，據知婚禮只宴請雙方親友合共80人，今日（11月29日）湯洛雯在社交平台貼上過大禮的相片，當中4對如流星錘般大的龍鳳鈪最搶眼，另外有海味、金製茶壺、茶具，大量金豬、金牌等。

面對如此大陣容，湯洛雯直言「有少少呆咗」，她寫道：「又一項完成。原來過大禮係咁複雜，嗰日係有少少呆左（咗），不過好多謝馬生嘅疼愛同各位兄弟姊妹嘅幫手，任務順利完成。啲餅有成四大盤大家收到都好開心，而且啲盤聽講係傳承落嚟，好意頭好意頭。」

湯洛雯表示：「咁大個女第一次見到好似流星錘咁嘅龍鳳鈪，仲有好多隻豬豬，好靚好壯觀。今次過大禮可以咁順利真係非常多謝尚囍非常細心同埋妥善嘅安排，負責人Marc亦都係一個開心果，仲特意安排咗一位非常有經驗嘅妗姐幫忙，辛苦你哋啦！」