個人特別鍾意冬季去食Omakase，魚類油脂豐沛、蟹黃/蟹膏又份外碩大飽滿，令人難以抗拒！趁著歲末，近來我同友人再度去食鮨山月，我最鍾意佢哋用料靚、招呼好，行實力派路線！🤓
✦ Dinner Omakase HK$1880
晚市套餐共分5部分，有茶碗蒸、前菜、壽司、湯及甜品。
✨ 海中蝦鮑魚茶碗蒸 🍴3.8/5
先以一碗茶碗蒸來暖胃，凍天氣食真係份外治癒！蒸蛋好嫩滑，上有肥美嘅海中蝦及鮑魚肉，幾足料。
✨ 粒貝、天然野生真鯛 🍴4/5
一碟嘗了兩款當造刺身，粒貝大片又爽口彈牙；天然野生真鯛，肉魚煙韌，鮮味十足，點少少鹽及wasabi食就已經好正！
✨ 針魚、磯邊卷 🍴3.5/5
針魚油脂重，魚味略淡，個人覺得無咩特別；磯邊卷則用上140g重秤秋刀魚，肉厚油脂豐沛，口感甘甜，加上芽蔥，將秋刀魚獨有嘅微微草腥味清走，真係好正！
✨ 昆布燒白子、子持香魚 🍴4.5/5
燒白子嚟講，小編喺鮨山月食嘅呢次係最正！白子肥美鮮甜，入口好似一件極綿滑嘅豆腐，再輕輕燒過表面，食時外層脆脆地，口感一流！子持香魚經過甘露煮製，必開後橫切面有差不多2/3位都比魚春佔據，好誇張！子持香魚有一節少少山椒葉，有少少辛口，有助提鮮。春魚食落帶微苦焦香，好神奇地越食越香！魚皮微脆，魚骨軟到化晒，好高質！
✨ 明石八爪魚 🍴4/5
停產了2個月嘅明石八爪魚，近來又有返供應！終於又食到鮨山月名物八爪魚！今次嘅明石八爪魚用蘿蔔漬咗一星期，食落好腍又不失嚼勁！好鍾意八爪魚外層嘅「依」，膠質十足，好味！
✨ 鮟鱇魚肝 🍴4.5/5
呢款鮟鱇魚肝經過汁煮，加上柚子皮，甜中帶點清新，口感唔似一般魚肝咁鞋口，而係猶如豆腐般潤滑！真係非常好食！令人難忘！
✨ 懷石香箱蟹椀物 🍴4.5/5
鮨山月秘製嘅「懷石香箱蟹椀物」，採用咗懷石料理嘅手法，將蟹肉、蟹殼連高湯熬成濃羹，最後再配上蟹肉、蟹膏、蟹籽，重重鮮味共治一爐！個人特別鍾意佢哋個濃羹，好鮮甜！
\壽司/
✨ 富山灣白蝦 🍴3.5/5
富山灣白蝦膠質重，加咗柚子皮及岩鹽，清清地作為壽司序章都幾好。
✨半天然深海池魚 🍴4/5
捕捉天然深海池魚，再經過養殖，具有野生魚的彈牙、濃郁風味，又有養魚的肥美油脂，幾正！
✨ 鰤魚 🍴3.8/5
油甘魚科中最肥的野生鰤魚，肉味香濃，油脂豐沛！
✨ 備長碳金木鯛 🍴4/5
金木鯛帶有濃濃炭火香，外層香脆，只是點少少wasabi即可，簡單就好味！
✨ 福岡池魚 🍴4/5
屬光物魚的一種，口感彈牙，加薑蔥蓉，幾惹味！
✨ 第15日熟成大拖羅 🍴4/5
今次食到來自宮城氣仙沼嘅大拖羅！仲要經過15日熟成，油脂帶有點點芝士味，肉味極濃，入口即化！
✨ 炭燒黑鯥魚 🍴3.8/5
而家正黑鯥魚當造期，全年最肥之時！經過炭燒，減膩同時為魚味增加炭火香！入口香滑，魚油Juicy，好食！
✨ 馬糞海膽 🍴4/5
冬季嘅馬糞海膽係最肥美！海膽瓣紋理清晰、厚肉，品質上尚！入口極鮮甜， 同偏酸嘅舍利好夾！
✨ 玉子燒 🍴4/5
用咗江戶前焗蛋做法，入面有長芋、魚及蝦，食上口咸咸甜甜，幾特別！
\湯及甜品/
✨ 魚麵豉湯 🍴3.5/5
✨ 南瓜奶凍 🍴4/5
個湯就略嫌淡味左少少，純粹暖胃用。南瓜奶凍反而有驚喜！上層奶凍，下層南瓜蓉，整體不太甜，食完都唔覺膩！
📍店家傳送門： @yamatsuki.hk
With：@katieebelly, @kennethtjon, @das.bottle
✾分類標籤
#daydayfoodie_omakase
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎡味道：4
🎠環境：4
🎪服務：3.5
🕌CP值：3.5
（*5為最高分）
★－:+:－:+:－:+:－:+:－★
◌ 鮨山月
◌銅鑼灣駱克道459號L Square2樓
★－:+:－:+:－:+:－:+:－★
🎀 記得like埋我，每日放送打卡好去處！📸