姜濤AL巴黎睇騷同框神級好友　飯局上演爭埋單大戰

男團MIRROR人氣王姜濤和Anson Lo近日於巴黎出席時裝周活動，2人分別於社交網大晒造型靚相，AL以深藍色刺繡套裝上陣，姜濤則身穿淺藍色冷衫外搭牛仔長外套，型格十足。同場更有好友、有神級填詞人之稱的黃偉文（Wyman），3人齊齊睇騷兼同框合照，騷後更把握機會直落飯局，Wyman笑言：「上次3月倫敦茶聚已經開始夾時間6月巴黎食飯。結果又食到又食唔到又食到又食唔到反覆咗幾次，本身已經放棄咗，終於喺兩日前又突然『撈』得番（海底撈月個撈），大家犧牲瞓覺時間喺 Paris 10點先開飯食到過咗半夜⋯⋯」

Wyman又大爆即場上演爭埋單大戰：「唯一尷尬位係，我負責 book 餐廳諗住請客，所以點菜時懶豪亂叫一通叫到成枱都係希望唔好待慢啲客人，結果臨尾畀人偷偷埋咗張單。下次無論喺地球上邊度偶遇，求吓你哋畀我請，好唔慣唔係有大食大畀年紀細過我嘅人請我食飯。」

東網網站 : https://on.cc/東網Facebook專頁 : https://www.facebook.com/onccnews/