不少人都覺得小朋友對於靈異現象比較敏感，更易看到大人看不見的事物。一名港媽日前在網上發文，稱其2歲半的女兒試過在家指著無人的空間，稱見到「哥哥姐姐」，更嚇到全身震兼大哭，令媽媽害怕又無助，逐向網民求救。
Photo from TVB《寶寶大過天》
女兒見「哥哥姐姐」
該名港媽在Facebook群組「巴打絲打『13親子育兒』Facebook Club」上發文，指2歲女兒日前晚上在客廳玩耍時，突然受驚跑去找她，稱餐桌那邊有個「哥哥」。港媽形容當時「個女真係好驚」，嚇到全身顫抖，於是她情急之下向那邊狂說粗口，雖然自己也「不自覺，但做媽媽當然要保護小朋友」。
Photo from MamiDaily
竟是這個顏色？
女兒冷靜下來後便繼續玩耍，豈料不久之後又再次找媽媽，然後「又好驚行翻黎話『哥哥姐姐』」。港媽於是問女兒關於「哥哥姐姐」的顏色 ，女兒回答說「ice-cream」，令港媽疑惑「我幻想果啲野似ice cream？」於是她嘗試教導女兒，若再次看到「哥哥姐姐」可以大叫「Get out！」叫他們離開。
Photo from MamiDaily
網民向港媽建議
港媽最初認為女兒剛開始學說話，可能只是隨便說說，可是後來卻指著明確目標說看到「哥哥」，令港媽崩潰問網民可以如何處理。帖文隨即引起討論，有家長稱自己會選擇不理會，亦有人建議港媽可為女兒求平安符、祈禱，或找師傅、牧師等人士驅鬼。
是小孩幻想？
不過也有網民認為這只是小朋友的幻想，「其實呢個時候小朋友係充滿幻想, it’s part of kids brain development & 佢哋開始識得發惡夢！」不過港媽卻不認同，認為小朋友雖然會有很多虛構朋友，但係「尋日個情況佢驚就唔似，見到嗰啲嘢都唔係問題而係我女驚，我驚佢傷害佢」。
Text：Mami Editorial
Source：巴打絲打「13親子育兒」Facebook Club
LAM 我有親眼見過，如果你未見過真係人地點講都唔會信。
05月26日04:25
N 見到就係見到，有啲人天生會見到，我以前有個朋友（女仔）會見到，所以有時佢去另一間屋瞓（佢屋企有兩間屋，有一間長期無人住），就會叫佢個妹或者我去陪佢；佢話試過一個人瞓，夜晚見到⋯⋯佢有時夜晚行好靜嘅街都會見到，所以佢會行旺啲嘅街，咁就見唔到～其實佢唔係成日都見到，只係偶然「時運低」就見到，所以見親都驚～
另外，我有朋友，佢朋友做護士（男性），由於喺醫院返工，基本上日日都見到；佢就一直都見到嘅類型黎，所以佢話只要喺房門口見到「果啲」，就知房入面床位果個剛剛過身⋯
我覺得最好都係搵啲呢方面嘅專業人士問下點疏導情緒會好啲，我知好多人唔信有，但事實係我朋友同朋友嘅朋友都係見到嘅人！見到呢啲佢哋都唔想，呢啲能力又無得揀嘅，只可以心理上睇吓點舒緩⋯
05月25日11:37
顯示全部