【六四34】「劉公子」原擬到同鄉市集 遭10警包圍截查10分鐘：咩雅致都冇晒

【獨媒報導】今日是六四事件34周年，維園舉行的是同鄉市集而非悼念集會。富商「劉公子」劉定成下午約三時半，在維園遭約10名警員截查10分鐘後獲放行。他稱原擬到市集觀看藝人陳百祥賣鮑魚，但指「咩雅致都冇晒」，不會進入市集。

「劉公仔」稱欲看阿叻賣鮑魚

截查期間，警員仔細翻查「劉公子」銀包及袋，過程長達10分鐘，期間「劉公子」不斷用濕紙巾作扇撥涼。他獲放行後向記者表示，得悉維園有「搞到好大規模、好大陣仗、自出世以嚟都未見過咁大」的市集，又言從報道中得悉藝人陳百祥在市集賣鮑魚，「見阿叻賣鮑魚賣得咁辛苦，咁有錢嘅人喺度賣鮑魚，我實要過嚟睇吓撞唔撞到佢，然後俾個like佢」，認為今日為「喜慶日子」，特意前來逛逛。

他自言沒有留意到警方在銅鑼灣一帶部署大量警力，突然遭到警方截查使其意興闌珊，「突然間俾人查身份證，咩雅致都冇晒….依家熱血沸騰，搞到我好熱，要坐多陣」。

劉公子

「劉公子」身穿左胸口有花刺繡的黑上衣及黑褲，他表示不敢穿白衣，「我唔敢著白衫，白衫會斬死人，咁我咪着黑囉」。最終「劉公子」稱與朋友吃下午茶，沒有進入市集便離開維園。他表示今夜將會逛街購物，「睇下有無啲衫，有朵花喺到，咁咪買囉，我鍾意花嘛」。

有市民遭警方查看手機

銅鑼灣街坊盧先生手持黃色DONKI購物袋路過維園噴水池旁時拍照，不足一分鐘便被警員截查。他向傳媒表示警員查問其個人資料，並兩度要求他解鎖手機，查看其WhatsApp訊息及手機相簿，「佢攞咗就開始睇入面啲媒體、上嘅網，同埋訊息。我無拒絕嘅，我有解鎖俾佢，佢冇問我可唔可以睇入面有咩，就直接開咗嚟睇」。

盧先生