河智苑希望把展覽帶到海外。
人氣韓劇《秘密花園》、《奇皇后》和《黃真伊》女主角河智苑，繼去年在首爾藝術展牛年特展，掛了三幅名為《Super Cow》的作品並成功出售後，今年4月她在首爾舉行首個個人展覽，她希望把展覽帶到海外，並與當地藝術家合作，及成立藝術品牌，希望將來舉辦超越視覺的展覽。
廣告（請繼續閱讀本文）
河智苑接受訪問，透露自小喜歡上課時偷偷畫畫，又喜歡把家裏的小電器拆散再組裝。她說：「我好似一直都想表達某啲嘢，後來我對演戲有興趣，透過演員呢個職業去表達自己。大約8年前，有一日我突然又再開始畫畫，有時會坐車喺路途中畫素描，大約4年前認真地去做，然後就舉辦咗今次個人畫展。」她表示作為演員時，經常深究自己在這世界裏是怎樣的人？應該做甚麼？為何會做演員？變得好好奇，開始探索，想更了解世界，甚至苦惱可以貢獻甚麼去製造一個美麗的世界。在過程中，她決定透過作品去表達她眼中的世界。
廣告（請繼續閱讀本文）
河智苑續謂：「今次展覽主題『關係的開始』，關於呢個數碼時代裏嘅人際關係。我作品中糾纏一起嘅無臉人，就係代表數碼世界。喺數碼世界裏嘅關係可以好簡單、多樣化、方便，但同時又可以容易咁斷絕。我哋要了解多啲呢個世界，好好建立人際關係，從而令我諗到以『關係』作為今次展覽主題。」
廣告（請繼續閱讀本文）