一招教你狂搖汽水都唔會噴 超神奇！防打嗝只需一個動作！

飲碳酸飲料例如可樂、雪碧呢類飲品，如果唔小心搖得太大力，一打開汽水就會亂噴呢個情況相信大家都遇過。日本綜藝節目出名就係做實測，今次佢哋喺街頭測試大家知唔知道汽水搖過後，正確嘅打開方法，仲有飲完汽水後點先可以避免打嗝？原來靠呢兩招就可以解決到以上嘅問題，一齊睇下呢啲方法有幾神奇啦！

圖片來源：月曜夜未央、網絡圖片｜撰文：Sharon

日本綜藝節目《月曜夜未央》喺街頭進行實測，訪問途人有關飲碳酸飲料會遇到嘅問題，讓大家提供方法令搖晃後嘅碳酸飲料，唔會一打開就亂噴。第一個女仔將可樂搖晃後，將整瓶可樂上下倒轉再擰開，她指因為倒轉後可樂沒有出現氣泡，但最後失敗了，可樂一打開就噴出來。

第二位伯伯表示，只要在可樂噴出嚟，用口含住瓶口就可以避免可樂噴出嚟，可惜的是瓶蓋未完全擰開，可樂已經噴咗出嚟，未能及時含住瓶口。

最後，製作組向大家公布正確做法，居然是「唱歌」，首先將汽水樽打平放喺喉嚨位置，然後哼唱30秒。呢個做法使喉嚨的振動將汽水樽入面嘅氣泡消除，30秒過後，可以將大部分嘅氣泡消除，冇諗過呢個方法咁簡單就可以解決到汽水亂噴嘅情況。

解決完搖晃汽水，出現亂噴嘅問題後，相信大家都好想知道究竟有咩方法可以飲完碳酸飲品後，可以避免嗝胃氣。有一對夫妻提出原地跳或者將身體向橫傾，但呢個並唔係正確方法！大家只要挺直背脊、挺胸，最終收起下巴緊貼心口就可以，呢個方法可以令食道閉合，令胃氣冇辦法「嗝」出嚟！

不過呢個方法唔係人人都適合，肥胖人士就唔可以使用，因為肥肉會導致下巴唔能夠收起，令食道難以閉合。