每日放工返到屋企就想快啲沖完涼瞓覺，但每次沖完涼、洗完頭都要花好長時間吹乾頭髮先可以瞓，特別夏天嘅時候更加會搞到滿頭大汗，認真麻煩！相信唔少女士最有同感，特別係長頭髮嘅女士，每日最少都要花15分鐘以上嘅時間嚟吹頭。早前日本瘋傳快速吹乾頭髮嘅方法，竟然可以慳平時吹頭嘅3分1時間，日本有節目為此進行實測，原來真係有用，一齊睇下呢個方法有幾神奇啦！
圖片來源︰網絡圖片、テレビ朝日《日本人の3割しか知らないこと くりぃむしちゅーのハナタカ!優越館》、Dyson、fortress｜撰文︰Sharon
較早前網上瘋傳快速吹乾頭髮嘅方法，原來只需要洗完頭後，用毛巾蓋喺頭髮上，吹頭時頭髮會更快吹乾，甚至可以慳接近一半時間！於是日本朝日電視台節目《くりぃむしちゅーのハナタカ》為咗驗證傳聞中嘅呢個方法係唔係有用，進行了實測，請咗一位工作人員喺洗頭之後，分別直接用風筒吹乾，同用毛巾蓋住咁吹乾，究竟用毛巾蓋住咁吹呢個方法可以慳到幾多時間，一齊睇下實測結果啦！
短髮女士洗完頭之後，有兩位工作人員分別喺右邊直接用風筒吹乾，以及喺左邊用毛巾蓋住咁吹乾，再觀察兩者嘅時間相差有幾多！經過一分半鐘時間後，發現右邊頭髮冇太大變化，仍然非常濕潤；至於左邊頭髮已經開始有變乾嘅情況。
兩分半鐘嘅時間過去後，兩者嘅分別愈嚟愈明顯，用毛巾蓋住濕髮再吹乾一邊嘅頭髮差唔多已經吹乾透，相反另一邊嘅頭髮仲有啲濕。
最後發現，直接用風筒吹乾頭髮要6分鐘；用毛巾蓋住再吹乾只需要4分鐘，足足節省咗3分1嘅時間！
用毛巾蓋住呢個方法之所以有用，係因為毛巾吸收咗頭髮嘅水分，令風筒吹出嘅熱力可以傳達到毛巾上，提升水分蒸發嘅速度。
有咗一個快速吹乾頭髮嘅方法，有一個好用嘅風筒都十分重要，最近愈出愈多款唔同功能嘅風筒，一齊嚟睇下呢幾款有冇啱你哋心水啦！
1. Dyson Supersonic™ 風筒（按此購買）
售價︰$3,580
2. Philips Hair Dryer Prestige SenseIQ （按此購買）
售價︰$2,698
3. PANASONIC EH-NA65 nanoe™納米離子護髮風筒（按此購買）
售價︰$998
4. 小米水離子風筒（按此購買）
售價︰$269
5. 沙宣 VS5126H 負離子角質蛋白護髮風筒（按此購買）
售價︰$539