堪輿學家麥玲玲伙拍胡美貽（Nicole）、施焯日（Arthur）主持的清談節目《玲玲友情報》，今晚（27日）一集主題為「從今開始該好好戀愛」。麥玲玲請來方力申（小方）現身並為他平反，力證小方是一名乖仔。她說︰「因為你靚仔、識運動、單身無結過3、5、7次婚，人哋會覺得你有問題。小方嘅男歡女愛模式仍停留喺古代，同佢講嗰個女仔幾好，約佢出嚟食飯啦，佢都會拒絕，話驚人誤會。」
小方直言至今與異性單獨約會食飯的次數不多於5次︰「我自細練習游水，細個時拍拖唔敢太張揚，驚畀啲家長話我咁細個拍拖，入行後又要保護形象，一拍嗰個又拍咗咁鬼死多年，根本都無時間約會其他女仔。同埋如果我唔夠鍾意一個人係唔會開始，分手好煩、好辛苦。」小方自言受家族遺傳影響，從小到大也沒見過父母拖手及有親暱舉動，因此他也不是浪漫型男士。他說︰「所以你從來無見過我放閃，唔會影到我喺街拖住女朋友嘅相。」
廣告（請繼續閱讀本文）
（即時娛樂）
Cony 鬼才信....
04月27日08:09
祝世界和平 你唔識浪漫唔緊要，主要係教主識得就得了😂
04月27日07:32
顯示全部