方力申自認唔浪漫從不放閃　稱與前度拍拖多年：冇時間約其他女仔

堪輿學家麥玲玲不時踩過界，去年開始為無綫主持清談節目《玲玲友情報》，今晚（27日）播出最新一集請來好友方力申做嘉賓，主題是「從今開始好好戀愛」，人稱「飛魚王子」的小方出道以來傳過不少緋聞，雖然與前女友鄧麗欣愛情長跑10年，依然被外界視為花心代表，麥玲玲在節目上特別為他平反：「因為你靚仔、識運動、單身無結過 3、5、7 次婚,人哋會覺得你有問題。」麥玲玲更大爆小方的思想仍停留在古代：「同佢講嗰個（女仔）幾好，你約佢出嚟食飯啦。佢都會拒絕，話驚人誤會。」

在節目中，方力申自爆至今與異性單獨約會食飯次數不超過5次，他稱因為自小練習游水，而且拍拖亦不敢張揚，之後又加入娛樂圈，要保護形象更要低調處理感情事，更提到與前度的一段情：「一拍嗰個又拍咗鬼死咁多年，根本都冇時間約會其他女仔。同埋如果我唔夠鍾意一個人，係唔會開始，分手好煩、好辛苦。」他補充個性不浪漫與家族遺傳有關，因為自小都沒見過父母手拖手出街，所以從來不會放閃，亦不會被影到在街上拖着女朋友。