最近農夫喺旺角麥花臣場館開演唱會，場場都坐無虛席，11月11日嗰場農夫仲即席搞棟篤笑。
C君喺棟篤笑環節中，向在場觀眾報喜訊宣布自己計劃2019年結婚，透露自己計劃喺2019年同港台DJ女友黃天頤結婚，引嚟全場起哄。C君更諗定兄弟團人選，指黃翠如將會為兄弟團成員之一。想當年，C君曾向前女友求婚，可惜最後對方因為C君有地中海貧血，擔心影響下一代為由而悔婚。不過，C君樂觀嘅性格，好快令佢走出陰霾，仲識到依家呢個女朋友添～
廣告（請繼續閱讀本文）
而陸永表示當日係佢同佢老婆拍拖紀念日，然後被C君恥笑話：「乜你哋有拍過拖咩？」
廣告（請繼續閱讀本文）
佢哋搞呢場棟篤笑係向為咗子華神致敬，多謝黃子華承認佢哋係同行，引到黃子華行上台前，親吻兩位，仲大開金口：「我真係承認佢哋係我同行，座椅如果佢哋再做棟篤笑，（如果佢哋好認真咁做），我……儘量在場！」佢嘅停頓位，惹起唔少人期待。最後當晚農夫演唱會以黃子華主唱嘅藍藍天空做完場曲，令人感動。
廣告（請繼續閱讀本文）
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）