黎耀祥與鄧萃雯多年前在《巾幗梟雄》扮演的柴九與四奶奶令人印象深刻，最近二人再度合作，不過今次不是拍劇而是做義工。他們早前為基層人士製作飯盒，並把飯盒送到有需要人士手上。鄧萃雯透露入行初期，幸好拍戲有免費飯盒，對那時經濟拮據的她，幫了一個大忙，同時她又憶起以往入廚的日子。
廣告（請繼續閱讀本文）
她寫道︰「其實我自小學就開始幫家𥚃煮飯，當同學們仍在玩家家酒時，我放學已經幫手去街市買餸了，到中學因嫲嫲的風濕病所以家務都由我一手包辦，一直煮飯到入娛樂圈為止，故此『下廚煮番兩味』居然成了我的童年陰影，從那時起就立下宏志要做職業女性不想煮飯了。」今次活動令鄧萃雯再度下廚，她說︰「雖然煮野食我唔係最拿手，但通過咁微薄嘅力量，呢啲飯盒就帶著無比愛心，我哋做嘅每一個步驟，都將份祝福加係個飯盒，希望能呼籲更多有心人支持，做更多愛心飯盒給有需要嘅朋友，我相信收到飯盒嘅基層朋友會感受到呢份心意」
廣告（請繼續閱讀本文）
而祥仔就稱：「其實我都參加過很多不同類型嘅慈善活動，要落廚煮飯再送埋飯盒俾有需要嘅朋友都係第一次，個體驗我覺得好踏實又好實際，飯盒代表一餐溫飽，係呢個疫情時期係十分需要。最重要我地能力可以做到的，對他們的關心可以表達出來，藉著福幼基金會呢個活動，可以讓更多人知道，做善事要群策群力，希望大家多多支持！」
廣告（請繼續閱讀本文）