港鐵停站麗晶事件 黃秋生爆粗：「返唔X到屋企，咁我買間樓嚟托呀？」話林鄭「用油救火」

對於香港近日發生一些不可思議的事情，始終都會有殿堂級藝人發聲，例如一向敢言的黃秋生。例如昨晚(24日)九龍灣麗晶花園管理公司突然轉密碼，有住戶未能回家的事件，黃秋生就在facebook說：「如果看更可以决定業主可唔可以返屋企，咁業主都可以决定看更聽日可唔可以返工。你唔認得我，即係你冇做看更嘅能力啦，業主都唔認得你。當你白撞。 返唔X到屋企，咁我買間樓嚟托呀？」

另一件就是港鐵因為遊行而突然連停幾站事件，他說其實港鐵是「助攻」話林鄭「用油救火」：「唔好責怪港鐵，咁都睇唔出？好明顯港鐵係發爛咋啦，你叫我做一分我比多兩錢肉緊，做夠十分，你叫我封一個站我封夠七個，滿意未？下次駛唔駛封哂所有站？未開始遊行就先搞亂交通。你話港鐵係咪助攻緊呢？既然你唔滿意我疏通人群，咁就塞爆交通囉。林鄭，咁樣比壓力公共機構迫使參與擾亂市面，用油救火，將所有唔係抗爭嘅師奶，大叔都激到同政府反面。用啲咁白痴嘅方法，妳覺得會有市民覺得妳有誠意，同妳坐底傾咩？搞掂妳後面啲搞屎棍先啦。 而家仲亂Q咁放催淚彈，好似故意搗亂咁。咁搞法，傾條毛咩？ 不如妳同啲差人傾咗先啦。」