【為B女著想】陳展鵬返屋企要全身消毒：似入咗ICU

【今日直擊】陳展鵬和老婆單文柔今日拍拖出席髮型屋開幕活動，談到7個月大的B女陳諾瑤「小豬比」，兩公婆即眉飛色舞，指囡囡已學爬行，經常周身郁，而B女亦表情多多，古靈精怪，相當得意。單文柔又稱囡囡開始吃固體食物，身為媽咪的她會煮南瓜粥和豬肉粥給囡囡吃，會否擔心B女變「米芝蓮」重磅B？展鵬笑稱不介意，只想B女健康成長。

談到警民衝突持續，警方亦曾在多區施放催淚彈，問二人會否少了外出？展鵬則說：「反而最近多了出去，因為天氣沒那麼熱，不過我出去或放工回家必會消毒，返屋企好像入了ICU，要全身消毒，太太會噴一些東西，跟住我就沖涼換衫才可以接觸B女。」

另外，談到今年無綫台慶變成錄播節目，展鵬坦言錄完後才知這個安排，作為藝員確實有點不開心，因為是52年來首次有此情況，但認為公司可能有需要才作此安排，務求令大家出入也順利些。

（即時娛樂）