謝霆鋒化身Chef Nic，其創立兼主理的飲食品牌「鋒味」紅遍全國，但原來鋒味只是在日前正式登陸台灣。品牌剛在台北舉行發佈會，Chef Nic即席露兩手，拉出17呎的「長壽麵」，令台灣傳媒大開眼界。
發佈會當日，霆鋒以一身招牌牛仔恤衫造型現身發佈會，他表示「鋒味」這個品牌一直都有推出新產品，好似今次就帶來鋒味拌麵、港式奶茶、港式鴛鴦及限定版曲奇。
廣告（請繼續閱讀本文）
霆鋒在活動當日，更透露之後會推出糉和月餅。同時，霆鋒與fans大玩盲測「奶茶」遊戲，看看fans能否試得出港式奶茶及台式奶茶的分別，霆鋒還親自serve fans，近距離接觸。
廣告（請繼續閱讀本文）
之後大會請了另外兩位fans上台，與霆鋒合力製作「長壽麵」。霆鋒一邊「拉麵」，一邊分享入廚對他的意義及改變，更因為《鋒味》與父母拉近距離、修補關係。「有時我會問佢哋呢個好唔好食？駛唔駛加啲調味？我爸爸會問我：『你點可以每餐都煮唔同嘅嘢？』而且我用嘅食材都係天然，打開雪櫃有乜就煮乜，屋企人嘅評價都ok。」
問及女友王菲有否試過他的手勢？霆鋒就笑說：「當然有，我所有嘅朋友都食過我煮嘅嘢。」那麼，有何comment？霆鋒就話：「呢啲唔講啦。」他表示創立「鋒味」，亦希望將來小朋友長大後，不只知吃漢堡包、炸雞等西式食物，希望透過自己的力量，令中式美食遍地開花。
廣告（請繼續閱讀本文）
表演期間，麵條愈拉愈長，麵條無法完全展開，霆鋒不停說：「有冇朋友可以嚟幫吓我？」最後霆鋒拉出17呎長的「長壽麵」，更將「長壽麵」當做剪綵道具，邀請一眾嘉賓齊齊上台「剪綵」。
撰文：二弟