意外後沉默至今 排舞師質問Rock Sir：做咗啲咩維護下屬權益？

MIRROR紅館演唱會意外至今超過一個月，舞蹈員李啟言（阿Mo）仍在深切治療部留醫，當局依然調查意外原因，阿Mo父親的代禱信中亦有要求問責，但主辦單位MakerVille一直保持沉默，今日就有資深排舞師為演唱會舞蹈員發聲，不點名批評演唱會舞蹈總監方家諾（Rock Sir）沒有維護舞蹈員權益。

資深排舞師鄧駿銘（Zero）今日在IG為舞蹈員發聲，以長文質問MIRROR演唱會舞蹈總監：「意外發生之後你本人實質做咗啲咩去維護你下屬嘅權益？」全文未有開名，但矛頭明顯指向演唱會舞蹈總監Rock Sir。

Zero寫道：「根據Makerville喺2022年8月12日發出嘅聲明，『此次演唱會主要是透過一間舞蹈工作室與舞者合作』，咁即係舞蹈員係直屬舞蹈室，而舞蹈室嘅老闆就係舞蹈總監，即係話舞蹈總監係判頭，佢有義務去保障dancers嘅安全同權益，喺有意外發生嘅情況，判頭理應代表dancers。」

Zero又提到：「但係睇返2022年7月31號 23位舞蹈員嘅聯合聲明，該舞蹈總監亦沒有參與聯署，反而係相隔幾日之後，單純喺個人社交媒體出咗一個copy&paste嘅story，就再冇任何嘅交代，我喺呢度懇請是次嘅舞蹈總監唔好再匿埋，行出嚟交代以下問題。」

Zero列出三大問題，第一是阿Mo發生意外前已經發生至少三次意外，對方職責上有否跟進及向主辦方解釋過舞台的危險性？第二是意外發生之後實質做過甚麼維護下屬（舞蹈員）權益，以及有否向主辦方跟進及爭取應得賠償？第三是事件後如何防止下次擔任同樣職位時再發生同類事件？帖文一出，不少鏡粉都有留言：「無錯，Rock Sir要回應！」、「一定要追究到底」等等。

至於Rock Sir，意外後一直沉默，只曾在8月1日於IG Story出po寫道：「 舞台意外發生後，心情極為沉痛、難過。作為MIRROR演唱會的舞蹈總監，我在此向參與是次演出的全體24位舞蹈員致以深切慰問。感謝各界在苦難時與大家一起渡過。願阿Mo，阿峯及Zisac能早日康復，亦祝是次有份參與的舞蹈員、MIRROR成員、花姐及相關人士保重身體。祝平安。」