一個司儀絕對能令你婚禮非常難忘！一生人一次結婚擺酒就梗係想搞得好好睇睇，為自己同賓客送上難忘嘅一夜，不過近日就有一對新人唔方唔難忘喇，皆因婚禮上嘅司儀大爆⋯⋯
撰文：Evita | 圖片：奴工處 Facebook、劇照
結婚擺酒司儀玩大踢爆！喺新人老闆面前大放厥詞
廣告（請繼續閱讀本文）
司儀嘅功用除咗帶領當日流程可以順利進行外，就係幫忙搞氣氛。近日就有網民投稿至Facebook專頁「奴工處」，指公司規模唔大，每當有同事結婚都會邀請全公司出席，包括老闆。有位男同事結婚，當晚新娘一名朋友擔任司儀，竟然大爆：「我知道一對新人嚟緊打算辭職一齊創業，唔再受啲衰老細氣，祝佢哋一齊喜上加喜，前程錦繡」。
廣告（請繼續閱讀本文）
網民爆笑：懷疑其實係情敵！
唔知一對新人同司儀點收科，而「奴工處」嘅專頁管理員就表示：「新郎應該面都青埋。」有網民就搞笑地話應該叫男女主角即場遞信做回禮、屎（史）上最強MC。
廣告（請繼續閱讀本文）
唔少網民都想同個對新人講：「我真係恭喜你啊！」啱啱結婚開支咁大，但又被同事爆響口話辭職唔撈，究竟會係老闆先行一著炒佢哋定等佢哋自己遞信呢？
撰文：Evita | 圖片：奴工處 Facebook、劇照